Իրադարձություններ
Շահառուները հնարավորություն ունեն մասնակցելու բնակարանների ներքին հարդարման շինարարական ապրանքների ընտրությանը:
«ԵՊՀ շրջանավարտների միավորում» հասարակական կազմակերպությունը, «Աջակցություն երիտասարդ համալսարանականների բնակարանաշինությանը» ծրագրի շրջանակներում, Երևան քաղաքի Ծարավ աղբյուրի 55/5 հասցեում կառուցվող բազմաբնակարան-բազմաֆունկցիոնալ շենքի բնակարանների կոսմետիկ հարդարման համար օգտագործվող շինարարական ապրանքները ծրագրի շահառուների կողմից ընտրելու նպատակով կազմակերպում է շինարարական ապրանքների ցուցադրություն:
Ցուցադրության ընթացքում շահառուներին հնարավորություն կընձեռվի ներկայացված տարբերակներից կատարել բնակարանների պատերի գուներանգների, հատակի և պատի սալիկների, ներբնակարանային դռների և մանրահատակի շարվածքի ընտրություն:
Ցուցահանդեսն անցկացվելու է 2010թ. փետրվարի 3-ից մինչև 2010թ. փետրվարի 10-ն ընկած ժամանակահատվածում` Երևանի պետական համալսարանի մարզահամալիրի ճեմասրահում ժամը 11:00-16:00 (ք. Երևան, Ալեք Մանուկյան 1):
Շինարարական ապրանքների ընտրությանը մասնակցելու համար յուրաքանչյուր շահառու պետք է ներկայացնի բնակարանի առքուվաճառքի մասին իր հետ կնքված նախնական պայմանագիրը:
Նախագիծ
Վերջին նորություններ
